Нарадзіўся 02.03.1945, д. Каўняцін, Пінскі раён, Брэсцкая вобласць. Фізік-оптык. Доктар фізіка-матэматычных навук (1994), прафесар (1996).

Адукацыя: Брэсцкі дзяржаўны педагагічны інстытут імя А. С. Пушкіна (спецыяльнасць "Фізіка", 1969), Інстытут фізікі АН БССР (аспірантура, 1974).

Навуковыя інтарэсы: крышталяоптыка; акустаоптыка; гіратрапія; галаграфія ў фотарэфрактыўных крышталях; галаграфічная інтэрфераметрыя; методыка выкладання фізікі; лексіка і фальклор вёскі.

Пазапрафесійная дзейнасць: літаратурная творчасць (паэт).

Месца працы, пасада: Гомельскі дзяржаўны ўніверсітэт (1974–1975), Мазырскі дзяржаўны педагагічны ўніверсітэт імя І. П. Шамякіна (з 1975, у 1975–1976 – загадчык кафедры фізікі, 1976–1987 і з 2005 – загадчык кафедры тэарэтычнай фізікі і прыкладной інфарматыкі, у 1992–1998 – прарэктар па навуковай рабоце). Інфармацыя на 2019.

Узнагароды: значкі "Выдатнік народнай асветы Беларускай ССР" (1982), "Отличник просвещения СССР" (1985), званні "International Man of 2000/2001 year" (Міжнародны біяграфічны цэнтр, Кембрыдж, Вялікабрытанія), "The most influential scientist of decade" (Амерыканскі біяграфічны інстытут, 2001), "The person of year" (Амерыканскі біяграфічны інстытут, 2003), прэміі імя Ю. І. Астроўскага ў галіне галаграфіі і інтэрфераметрыі (Фізіка-тэхнічны інстытут імя А. Ф. Іофе РАН, 2003), імя акадэміка Ф. І. Фёдарава (НАН Беларусі, 2011).

Крыніца інфармацыі – анкета вучонага