Нарадзіўся 01.03.1950, в. Крукавічы, Калінкавіцкі раён, Гомельская вобласць. Спецыяліст у галіне парашковай металургіі і кампазіцыйных матэрыялаў. Доктар тэхнічных навук (1992), прафесар (1993). Член-карэспандэнт НАН Беларусі (2004).
Адукацыя: Беларускі політэхнічны інстытут (спецыяльнасць "Металазнаўства, абсталяванне і тэхналогія тэрмічнай апрацоўкі металаў", 1972; аспірантура, спецыяльнасць "Металазнаўства і тэрмічная апрацоўка металаў", 1977).
Навуковыя інтарэсы: распрацоўка новых матэрыялаў (у тым ліку парашковых, кампазіцыйных, нана-) для тэхналогій аднаўлення і ўмацавання нанясеннем пакрыццяў.
Пазапрафесійная дзейнасць: літаратурная творчасць (паэт).
Месца працы, пасада: Полацкі дзяржаўны ўніверсітэт (1972–2008), Беларускі нацыянальны тэхнічны ўніверсітэт (з 2008, механіка-тэхналагічны факультэт, кафедра "Парашковая металургія, зварка і тэхналогія матэрыялаў", прафесар, з 2016 – загадчык кафедры, у 2008–2015 – першы прарэктар). Інфармацыя на 2016.
Узнагароды: ордэн СССР "Знак почета" (1986); знак "Изобретатель СССР" (1991); медалі ВДНГ СССР (бронзавы, 1985; сярэбраны, 1986); значок "Выдатнік адукацыі Рэспублікі Беларусь" (1993); ганаровыя граматы Міністэрства адукацыі Рэспублікі Беларусь (2010), НАН Беларусі (2010).
Крыніца інфармацыі – анкета вучонага