Нарадзіўся 24.01.1936, г. Мазыр, Гомельская вобласць. Спецыяліст у галіне тэхналогіі машынабудавання, металаапрацоўкі. Доктар тэхнічных навук (1989), прафесар (1990). Акадэмік Міжнароднай акадэміі навук Еўразіі (1997).

Адукацыя: Беларускі політэхнічны інстытут (спецыяльнасць "Металарэзныя станкі", 1958; аспірантура, 1963).

Навуковыя інтарэсы: працэсы механічнай апрацоўкі матэрыялаў; апрацоўваемасць матэрыялаў рэзаннем; інтэнсіфікацыя працэсаў глыбокага свідравання пластычных матэрыялаў.

Месца працы, пасада: Беларускі нацыянальны тэхнічны ўніверсітэт (у 1958–1960 – механіка-тэхналагічны факультэт, асістэнт кафедры "Тэхналогія металаў"; 1970–1990 – дырэктар, рэктар Рэспубліканскага міжгаліновага інстытута павышэння кваліфікацыі кіруючых работнікаў і спецыялістаў галін народнай гаспадаркі; 1963–1970 і з 1990 – машынабудаўнічы факультэт, кафедра "Металарэзныя станкі і інструменты", прафесар, у 1964–1970 – намеснік дэкана факультэта). Інфармацыя на 2015.

Узнагароды: медалі СССР "За доблестный труд" (1970), "Ветеран труда" (1990), знак Міністэрства вышэйшай і сярэдняй спецыяльнай адукацыі СССР "За отличные успехи в работе" (1986).

Крыніца інфармацыі – анкета вучонага