Нарадзіўся 24.11.1967, пас. Юцкі, Дзяржынскі раён, Мінская вобласць. Фізік-оптык. Доктар фізіка-матэматычных навук (2012).

Адукацыя: Беларускі дзяржаўны ўніверсітэт (спецыяльнасць "Фізіка", 1992), Інстытут малекулярнай і атамнай фізікі НАН Беларусі (аспірантура, 1995; дактарантура, 2008).

Навуковыя інтарэсы: оптыка; малекулярная спектраскапія і люмінесцэнцыя; уласцівасці узбуджаных станаў тэтрапірольных злучэнняў; узаемасувязь спектраскапічных характарыстык і кіслотна-асноўных раўнаваг у ядры і на перыферыі тэтрапірольнага макрацыкла; спектральныя і фотафізічныя ўласцівасці каролаў; дэндрымеры з тэтрапірольным ядром; прымяненне тэтрапірольных злучэнняў для стварэння аптычных мультыфункцыянальных сенсараў.

Месца працы, пасада: Інстытут фізікі імя Б. І. Сцяпанава НАН Беларусі (1992–2013, ведучы навуковы супрацоўнік), Беларускі дзяржаўны тэхналагічны ўніверсітэт (з 2013, факультэт інфармацыйных тэхналогій, кафедра фізікі, загадчык кафедры). Інфармацыя на 2020.

Узнагароды: дыплом II ступені конкурсу "Сцяпанаўскія чытанні – 2013" НАН Беларусі (2013).

E-mail: m.kruk@belstu.by

Крыніца інфармацыі – анкета вучонага