Нарадзіўся 23.04.1945, в. Вялікая Сліва, Слуцкі раён, Мінская вобласць. Спецыяліст у галіне парашковай металургіі. Доктар тэхнічных навук (1992), прафесар (1992).
Адукацыя: Беларускі політэхнічны інстытут (спецыяльнасць "Машыны і тэхналогіі апрацоўкі металаў ціскам", 1967; аспірантура, 1974).
Навуковыя інтарэсы: апрацоўка металаў ціскам; парашковая металургія; кампазіцыйныя матэрыялы; машынабудаванне.
Месца працы, пасада: Барысаўскі эксперыментальны завод мебельнай фурнітуры "Пралетарскі молат" (1968–1971, інжынер-канструктар), Віцебскі дзяржаўны тэхналагічны ўніверсітэт (з 1974, механіка-тэхналагічны факультэт, кафедра "Машыны і тэхналогіі высокаэфектыўных працэсаў апрацоўкі", з 1980 – загадчык кафедры, са снежня 2016 – кафедра "Тэхналогія і абсталяванне машынабудаўнічай вытворчасці", прафесар). Інфармацыя на 2017.
Узнагароды: ганаровыя граматы Віцебскага абласнога камітэта КПБ (1989), Міністэрства вышэйшай і сярэдняй спецыяльнай адукацыі БССР (1981, 1982), Міністэрства адукацыі і навукі Рэспублікі Беларусь (1995), Міністэрства адукацыі Рэспублікі Беларусь (2005), Віцебскага гарадскога выканаўчага камітэта (2005, 2015) і інш.
E-mail: s.klimenkov@tut.by
Крыніца інфармацыі – анкета вучонага