Нарадзіўся 13.07.1945, г. Давыд-Гарадок, Столінскі раён, Брэсцкая вобласць. Спецыяліст у галіне радыёфізікі і інфарматыкі. Доктар тэхнічных навук (1984), прафесар (1986). Віцэ-прэзідэнт Міжнароднай акадэміі навук інфармацыйных працэсаў і тэхналогій (2006).

Адукацыя: Беларускі дзяржаўны ўніверсітэт імя У. І. Леніна (спецыяльнасць "Радыёфізіка", 1967; аспірантура, 1969).

Навуковыя інтарэсы: інфарматыка; радыёлакацыйнае ўзбраенне; дыфракцыя электрамагнетычных хваль; галаграфія; педагогіка вышэйшай школы.

Месца працы, пасада: Беларускі дзяржаўны ўніверсітэт (1967–1988), Віцебскі дзяржаўны тэхналагічны інстытут (1988–1998, у 1988–1993 – рэктар, 1993–1998 – загадчык кафедры аўтаматызацыі тэхналагічных працэсаў і вытворчасцей), Віцебскі філіял Інстытута сучасных ведаў (з 1995), Гродзенскі філіял Інстытута сучасных ведаў (з 2000), СП "Фортэкс – водныя тэхналогіі" (з 2004), Віцебскі дзяржаўны ўніверсітэт імя П. М. Машэрава (1999–2000, 2006–2013, матэматычны факультэт, кафедра інжынернай фізікі, у 1999–2000 і 2006–2012 – загадчык кафедры).

Узнагароды: Дзяржаўная прэмія Беларускай ССР (1974), Дзяржаўная прэмія СССР (1983).

Памёр 23.02.2014.

Крыніца інфармацыі – анкета вучонага