Нарадзіўся 28.11.1926, в. Лясок, Карэліцкі раён, Гродзенская вобласць. Спецыяліст у галіне тэхнічнай кібернетыкі і інфарматыкі. Доктар тэхнічных навук (1986), прафесар (спецыяльнасць "Сістэмы аўтаматызацыі праектавання", 1987).

Адукацыя: Беларускі політэхнічны інстытут (спецыяльнасць "Тэхналогія машынабудавання, металарэзныя станкі і інструменты", 1963).

Навуковыя інтарэсы: тэарэтычныя асновы алгарытмічнага сінтэзу аб'ектаў і працэсаў; метады, мадэлі і праграмнае забеспячэнне аўтаматызаванага канструктарска-тэхналагічнага праектавання і вырабу аснасткі ў машына- і прыборабудаванні.

Месца працы, пасада: Інстытут матэматыкі і вылічальнай тэхнікі АН БССР (з 1963, лабараторыя аўтаматызацыі інжынернай працы і кіравання вытворчасцю, галоўны інжынер), Інстытут тэхнічнай кібернетыкі АН БССР (з 1965, лабараторыя аўтаматызацыі тэхналагічнай падрыхтоўкі гібкіх вытворчасцей, галоўны навуковы супрацоўнік, у 1968–1994 – загадчык лабараторыі).

Узнагароды: Дзяржаўная прэмія Беларускай ССР (1978) і інш.

Памёр 22.02.2000, пахаваны на радзіме.