Нарадзіўся 08.09.1926, в. Акунёва, Кемераўская вобласць, Расія. Спецыяліст у галіне электронікі. Доктар тэхнічных навук (1992), прафесар (1994).

Адукацыя: Уральскі політэхнічны інстытут імя С. М. Кірава, г. Свярдлоўск (радыётэхнічны факультэт, спецыяльнасць "Аўтаматыка і тэлемеханіка", 1958), Універсітэт марксізма-ленінізма (1962).

Навуковыя інтарэсы: электроніка; аўтаматыка; фізіка; біялогія; медыцына; анкалогія.

Пазапрафесійная дзейнасць: літаратурная творчасць (паэт), аўтар манаграфій "Сущность жизни", "Сущность раковых болезней".

Месца працы, пасада: Уральскі філіял АН СССР (з 1958), Жданаўскі металургічны інстытут (1964–1973), Усесаюзны НДІ методыкі і тэхнікі разведкі г. Рэчыца (1975–1977, загадчык лабараторыі), Краматорскі індустрыяльны інстытут (1977–1978, загадчык кафедры), Гомельскі дзяржаўны тэхнічны ўніверсітэт імя П. В. Сухога (1973–1975 і 1978–2014, энергетычны факультэт, кафедра "Тэарэтычныя асновы электратэхнікі", прафесар).

Узнагароды: прэмія імя П. В. Сухога (2002).

Крыніца інфармацыі – анкета вучонага