Нарадзіўся 22.04.1909, с. Новая Чыгла, Талаўскі раён, Варонежская вобласць, Расія. Глебазнавец, аграхімік. Доктар сельскагаспадарчых навук (1969), прафесар (1970). Удзельнік Вялікай Айчыннай вайны.

Адукацыя: Варонежскі сельскагаспадарчы інстытут (1936).

Навуковыя інтарэсы: вывучэнне кругавароту пажыўных элементаў, гумусавага стану і аграфізічных уласцівасцей дзярнова-падзолістай лёгкасугліністай глебы; сістэма ўгнаення культур у севазвароце на дзярнова-падзолістых глебах Беларусі; тэарэтычныя асновы выкарыстання сістэм угнаення і павышэння ўраджайнасці ворных глеб.

Месца працы, пасада: Усурыйскі край (1936–1939, старшы аграном, начальнік збожжавага ўпраўлення), Беларуская дзяржаўная сельскагаспадарчая акадэмія (у 1949–1969 – асістэнт, дацэнт кафедры аграхіміі, адначасова ў 1957–1962 – прарэктар па навуковай рабоце, 1969–1981 – загадчык кафедры глебазнаўства).

Узнагароды: званне "Заслужаны работнік вышэйшай школы Беларускай ССР" (1979) і інш.

Памёр 12.08.1989.