Анатоль Ануфрыевіч Бужынскі нарадзіўся ў вёсцы Дразды Круглянскага раёна Магілёўскай вобласці. Скончыў хлебапякарнае аддзяленне рэспубліканскай школы фабрычна-заводскага навучання харчовай прамысловасці і ў 1950 г. уладкаваўся пекарам на Мінскі хлебны завод. Без адрыву ад вытворчасці скончыў вячэрнюю сярэднюю школу. З часам Анатоль Ануфрыевіч стаў адным з лепшых спецыялістаў хлебапякарнай прамысловасці БССР, яму было прысвоена званне «Пекар – майстар першага класа». Па ініцыятыве А.А. Бужынскага былі мадэрнізаваны тры канвеерныя печы, што істотна палегчыла працу пекараў, прывяло да паляпшэння якасці прадукцыі, павелічэння выхаду хлебабулачных вырабаў.

Указам Прэзідыума Вярхоўнага Савета СССР ад 17 студзеня 1974 г. за праяўленую працоўную доблесць у выкананні заданняў пяцігодкі і прынятых сацыялістычных абавязацельстваў на 1973 г., вялікі творчы ўклад у павелічэнне вытворчасці харчовых тавараў Анатолю Ануфрыевічу Бужынскаму было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

Анатоль Ануфрыевіч актыўна займаўся настаўніцтвам. Штогод навучаў сваёй прафесіі сем-восем чалавек, і да сарака чалавек сумежным спецыяльнасцям. У далейшым А.А. Бужынскі працаваў майстрам вытворчага ўчастка, інжынерам-тэхнолагам, начальнікам вытворчасці хлебазавода.

Узнагароджаны ордэнамі Леніна, Працоўнага Чырвонага Сцяга, медалямі, з’яўляецца заслужаным работнікам прамысловасці БССР.

Пераклад 2021 г. матэрыялаў інтэрнэт-праекта «Герои страны».