Нарадзіўся Часлаў Іосіфавіч Юшкевіч ў в. Поня Вілейскага раёна Мінскай вобласці. У 1975 г. скончыў Беларускую кансерваторыю (цяпер Беларуская дзяржаўная акадэмія музыкі). У 1969–1994 гг. з’яўляўся артыстам Дзяржаўнага сімфанічнага акадэмічнага аркестра Беларусі. З 1991 г. выкладаў у Беларускай акадэміі музыкі. Ігру Часлава Іосіфавіча вылучала яркае, насычанае, мяккае гучанне інструмента. Ён быў першым выканаўцам твораў такіх беларускіх кампазітараў як Г. Вагнер, Я. Глебаў, А. Мдывані, Дз. Смольскі. У рэпертуары таксама былі творы расійскай і заходнееўрапейскай класікі. У 1992 г. Чаславу Іосіфавічу было прысвоена званне заслужанага артыста Беларусі.

Матэрыял падрыхтаваны ў 2012 г. Вілейскай цэнтральнай раённай бібліятэкай.