Інстытут тэхнічнай акустыкі Нацыянальнай акадэміі навук Беларусі

Start date: 25.09.1975 Віцебск, г.

Quick reference: дзяржаўная навуковая ўстанова

Short names: ; ІТА НАН Беларусі

Title Options: Дзяржаўная навуковая ўстанова «Інстытут тэхнічнай акустыкі Нацыянальнай акадэміі навук Беларусі»; Інстытут тэхнічнай акустыкі НАН Беларусі; Нацыянальная акадэмія навук Беларусі. Інстытут тэхнічнай акустыкі; Тэхнічнай акустыкі інстытут НАН Беларусі

Names in other languages: (russian); (russian); (russian); The Institute of Technical Acoustics of the National Academy of Sciences of Belarus (english);

Previous Names: Витебское отделение Института физики твердого тела и полупроводников; Институт физики твердого тела и полупроводников. Витебское отделение; Інстытут фізікі цвёрдага цела і паўправаднікоў. Віцебскае аддзяленне

Інстытут тэхнічнай акустыкі Нацыянальнай акадэміі навук Беларусі – першы у Віцебскай вобласці навукова-даследчы акадэмічны інстытут – створаны ў верасні 1975 г. як Віцебскі філіял Інстытута фізікі цвёрдага цела і паўправаднікоў АН БССР на базе трох акадэмічных інстытутаў: Фізіка-тэхнічнага інстытута, Інстытута фізікі, Інстытута фізікі цвёрдага цела і паўправаднікоў.

У 1978 г. Віцебскі філіял Інстытута фізікі цвёрдага цела і паўправаднікоў АН БССР перайменаваны ў Віцебскае аддзяленне Інстытута фізікі цвёрдага цела і паўправаднікоў.

У 1994 г. на базе Віцебскага аддзялення Інстытута фізікі цвёрдага цела і паўправаднікоў АН Беларусі створаны Інстытут тэхнічнай акустыкі АН Беларусі.

У 2007 г. Дзяржаўная навуковая ўстанова "Інстытут тэхнічнай акустыкі НАН Беларусі" ўключана ў склад Навукова-практычнага цэнтра НАН Беларусі па матэрыялазнаўстве.

У 2015 г. у Інстытуце створаны Рэспубліканскі цэнтр ультрагукавых тэхналогій.

Інстытут праводзіць фундаментальныя і прыкладныя даследаванні, а таксама ажыццяўляе навукова-тэхнічныя распрацоўкі ў рамках дзяржаўных праграм навуковых даследаванняў, рэгіянальнай навукова-тэхнічнай праграмы, рэспубліканскіх і міжнародных праектаў Беларускага фонду фундаментальных даследаванняў, асобных праектаў і грантаў у галінах фізікі паўправаднікоў, магнітаэлектрычных з'яў, ультрагукавых ваганняў, тэрмапругіх фазавых ператварэнняў і інш.

Інстытут з'яўляўся галаўной арганізацыяй рэгіянальнай навукова-тэхнічнай праграмы «Інавацыйнае развіццё Віцебскай вобласці», якая забяспечвае стварэнне новых вытворчасцяў, спрыяе тэхналагічнаму абнаўленню прадпрыемстваў, актывізацыі іх інавацыйнай дзейнасці.

Матэрыял падрыхтаваны ў 2026 г.