Віцебскі дзяржаўны тэхналагічны ўніверсітэт

Start date: 24.06.1965 Віцебск, г.

Quick reference: вышэйшая навучальная ўстанова

Short names: ВГТУ (рус.)

Names in other languages: L’universite Nationale de Technologie de Vitebsk (фра.) (undetermined); La Universidad Estatal Tecnologica de Vitebsk (ісп.) (undetermined); Vitebsk State Technolodical University (анг.) (undetermined); Витебский государственный технологический университет (russian);

Previous Names: Витебский технологический институт лёгкой промышленности; Віцебскі дзяржаўны тэхналагічны універсітэт; Віцебскі тэхналагічны інстытут лёгкай прамысловасці; Віцебскі тэхналагічны універсітэт; ВТИЛП (рус.)

Віцебскі дзяржаўны тэхналагічны ўніверсітэт (ВДТУ) заснаваны ў 1965 г. як Віцебскі тэхналагічны інстытут лёгкай прамысловасці. Першапачаткова адукацыйныя праграмы і спецыяльнасці былі звязаны з машынамі і апаратамі вытворчасцей лёгкай і тэкстыльнай прамысловасці, трыкатажнай вытворчасцю, канструяваннем і вытворчасцю швейных вырабаў, канструяваннем і тэхналогіяй вырабаў са скуры, тэхналогіяй і абсталяваннем аздобнай вытворчасці. У 1969 г. адкрыта падрыхтоўчае аддзяленне. У 1970 г. выдадзены першы выпуск зборніка «Труды Витебского технологического института легкой промышленности». У 1974 г. пачаў функцыянаваць вячэрні факультэт. У 1976 г. уведзена спецыяльнасць «Мастацкае афармленне і мадэляванне вырабаў тэкстыльнай і лёгкай прамысловасці». У 1984 г. арганізавана вучэбная лабараторыя па курсах сістэм аўтаматызаванага праектавання і матэматычным забеспячэнні аўтаматызаванай вытворчасці. З 1989 г. функцыянуе аспірантура. У 1990-я гг. адбыліся значныя змены ў арганізацыі навучальнага працэсу, удакладнялася наменклатура спецыяльнасцей і спецыялізацый. У 1993 г. пачала працу дактарантура і арганізаваны савет па абароне дысертацый. У 1995 г. інстытут атрымаў сучасную назву. У 2006 г. зацверджана афіцыйная сімволіка ўніверсітэта ‒ герб і сцяг. У 2009 г. за дасягненні ў выкананні планавых паказчыкаў сацыяльна-эканамічнага развіцця ўстанова занесена на Дошку гонару Віцебска. У 2010 г. створаны Навукова-тэхналагічны парк.

Цяпер Віцебскі дзяржаўны тэхналагічны ўніверсітэт ‒ сучасны адукацыйны і навуковы цэнтр у галіне лёгкай прамысловасці. У яго структуры функцыянуюць факультэты інфармацыйных тэхналогій і робататэхнікі, эканомікі і бізнес-кіравання, вытворчых тэхналогій, дызайну, завочны, павышэння кваліфікацыі і перапардрыхтоўкі кадраў. Значную падтрымку навучальнаму і выхаваўчаму працэсу аказваюць Рэгіянальны цэнтр тэсціравання і і прафесійнай арыентацыі моладзі, Цэнтр развіцця кар’еры, вучэбна-навукова-даследчая лабараторыя «Цэнтр адытыўных тэхналогій», Выпрабавальны цэнтр, музей гісторыі ўніверсітэта, бібліятэка, спартыўны комплекс, студэнцкі санаторый-прафілакторый. Навучальная ўстанова актыўна наладжвае міжнародныя сувязі, неаднаразова прымала ўдзел у замежных адукацыйных праграмах (TEMPUS, Erasmus+), праводзіць навуковыя канферэнцыі.

Навуковая дзейнасць установы звязана з распрацоўкай тэхналогіі тэкстыльных матэрыялаў, інфармацыйнымі тэхналогіямі ў вытворчасці лёгкай прамысловасці, тэхналогіяй праектавання тканін складаных структур і інш. З 1995 г. выдаецца часопіс «Вестник ВГТУ». Пры ўніверсітэце дзейнічае народны студэнцкі хор «Віцябчанка».

Матэрыял падрыхтаваны ў 2025 г.