Нарадзіўся 22.09.1942, г. Дуброўна, Віцебская вобласць. Фізік-тэарэтык. Доктар фізіка-матэматычных навук (1984), прафесар (1987).

Адукацыя: Маскоўскі дзяржаўны ўніверсітэт імя М. В. Ламаносава (спецыяльнасць "Фізіка", 1966; аспірантура, 1970).

Навуковыя інтарэсы: ядзерная фізіка; фізіка высокіх энергій; распрацоўка і прымяненне новых метадаў разліку і аналізу назіраемых велічынь з улікам радыяцыйных эфектаў у эксперыментах па даследаванні мікраструктуры матэрыі.

Месца працы, пасада: Беларускі дзяржаўны ўніверсітэт (з 1970, фізічны факультэт, кафедра тэарэтычнай фізікі, прафесар, з 1986 – намеснік дырэктара Навукова-даследчага інстытута ядзерных праблем, у 1993–2015 – дырэктар Нацыянальнага навукова-вучэбнага цэнтра фізікі часціц і высокіх энергій).

Памёр 15.06.2016.