Нарадзіўся 05.03.1930, в. Грабава, Зэльвенскі раён, Гродзенская вобласць. Мовазнавец (беларускае мовазнаўства). Доктар філалагічных навук (1980), прафесар (1983).

Адукацыя: Гродзенскі дзяржаўны педагагічны інстытут (1953), Інстытут мовазнаўства АН БССР (аспірантура, 1962; дактарантура, 1977).

Навуковыя інтарэсы: праблемы лексікалогіі, фаналогіі, словаўтварэння, этымалогіі, граматыкі беларускай літаратурнай мовы, дыялекталогіі.

Месца працы, пасада: Мінскі дзяржаўны педагагічны інстытут імя А. М. Горкага (1962–1981, прафесар кафедры беларускай мовы), Гомельскі дзяржаўны ўніверсітэт (1981–1990, загадчык кафедры рускага, агульнага і славянскага мовазнаўства), Гродзенскі дзяржаўны ўніверсітэт імя Я. Купалы (1953–1960 і 1990–2016, у 1990–1991 – загадчык кафедры беларускай культуры, 1991–2007 – кафедры беларускага і тэарэтычнага мовазнаўства).

Памёр 24.03.2020.