Дата начала:
11.09.1996 Касцюковічы, г., Магілёўская вобласць
Краткая справка:
адкрытае акцыянернае таварыства па выпуску будаўнічых матэрыялаў у складзе холдынга "Беларуская цэментная кампанія", лаўрэат Прэміі Урада Рэспублікі Беларусь за дасягненні ў галіне якасці (2002, 2010, 2015)
Краткие названия:
БЦЗ
Названия на других языках:
Belarusian Cement Plant (английский); Белорусский цементный завод (русский);
Предыдущие названия:
Касцюковіцкі цэментны завод
1330 символов
Справка
Адным з буйнейшых вытворцаў будаўнічай прадукцыі ў Беларусі з’яўляецца ААТ “Беларускі цэментны завод”.
Будаўніцтва новага прадпрыемства па вытворчасці цэменту было пачата каля буйнога радовішча мергелю “Камунары” (Касцюковіцкі раён Магілёўскай вобласці) ў 1987 г. Першая тэхналагічная лінія па выпуску цэменту з высокавільготнага мелу пачала працаваць у 1996 г. У далейшым ішло пашырэнне вытворчасці, дабудоўваліся новыя карпусы, устанаўлівалася дадатковае абсталяванне. Была асвоена ўпакоўка цэменту ў папяровыя мяшкі, уведзена газатурбінная ўстаноўка для здабычы электраэнергіі і сушкі сыравіны і інш.
У цяперашні час ААТ “Беларускі цэментны завод” уваходзіць у склад холдынга “Беларуская цэментная кампанія” і выпускае цэмент, вапну і мел для вытворчасці камбікармоў. У яго складзе працуюць філіялы Мінскі камбінат сілікатных вырабаў, “Оршабудматэрыялы” і сельскагаспадарчая вытворчасць “Цэмагра”. Колькасць работнікаў складае больш за 2 тыс. чалавек. Прадукцыя завода прадстаўлена на шматлікіх выстаўках і прызнана пераможцам конкурсаў “Лепшыя тавары Рэспублікі Беларусь”, “Лепшае дасягненне ў будаўнічай галіне Рэспублікі Беларусь”, “Лепшы будаўнічы прадукт”, “Прадукт года” і інш. Прадпрыемства ўзнагароджана Прэміяй Урада Рэспублікі Беларусь за дасягненні ў галіне якасці (2002, 2010, 2015).
