Вучоны ў галіне гігіены Лявон Іванавіч Галынец нарадзіўся ў в. Галоўчын Бялыніцкага раёна Магілёўскай вобласці ў сям'і свяшчэнніка. Пасля вучобы ў Магілёўскай гімназіі паступіў у Ваенна-медыцынскую акадэмію ў Пецярбургу. Скончыўшы яе ў 1882 г., стаў першым прыват-дацэнтам медыцынскай статыстыкі і геаграфіі кафедры гігіены. Напісаў некалькі прац, у якіх даследаваў санітарны стан, натуральны рух (нараджальнасць, смяротнасць, прырост) насельніцтва Магілёва. Абараніў дысертацыю на тэму «К изучению в медико-топографическом и статистическом отношении губернского города Могилева» і ў 1887 г. стаў доктарам медыцыны.

Далейшае жыццё Л.І. Галынца звязана з Магілёвам, дзе працаваў спачатку ваенным урачом, а потым саветнікам губернатара па праблемах санітарнага стану, дэмаграфіі, медыцынскай статыстыкі. Жыццё вучонага абарвалася вельмі рана: ён памёр ва ўзросце 38 гадоў.

Матэрыял падрыхтаваны ў 2018 г.