Інстытут цепла- і масаабмену імя А.В. Лыкава НАН Беларусі
Дата пачатку:
05.09.1952 Мінск, г.
Кароткая даведка:
дзяржаўная навуковая ўстанова
Скарочаныя назвы:
ІЦМА
Варыянты назвы:
дзяржаўная навуковая ўстанова «Інстытут цепла- і масаабмену імя А.В. Лыкава Нацыянальнай акадэміі навук Беларусі»; Інстытут цепла- і масаабмену імя А.В. Лыкава Нацыянальнай акадэміі навук Беларусі
Назвы на іншых мовах:
The A.V. Luikov Heat and Mass Transfer Institute of NAS of Belarus (англійская); государственное научное учреждение «Институт тепло- и массообмена имени А.В. Лыкова Национальной академии наук Беларуси» (руская); Институт тепло- и массообмена им. А.В. Лыкова НАН Беларуси (руская); ИТМО (руская);
Папярэднія назвы:
Академический научный комплекс «Институт тепло-и массообмена имени А. В. Лыкова» (АНК ИТМО); Акадэмічны навуковы комплекс «Інстытут цепла- і масаабмену імя А.В. Лыкава» (АНК ІЦМА); Институт тепло- и массообмена АН БССР; Институт тепло- и массообмена имени А.В. Лыкова АН БССР (ИТМО АН БССР); Институт энергетики АН БССР; Інстытут цепла- і масаабмену АН БССР; Інстытут цепла- і масаабмену імя А.В. Лыкава АН БССР (ІЦМА АН БССР); Інстытут энергетыкі АН БССР
1395 сімвалаў
Даведка
Інстытут цепла- і масаабмену імя А.В. Лыкава НАН Беларусі ўтвораны на падставе распараджэння Савета Міністраў СССР ад 29 ліпеня 1952 года № 19207-р як Інстытут энергетыкі АН БССР. Уступіў у дзеянне ў якасці навуковай арганізацыі Акадэміі навук БССР 5 верасня 1952 года. З 1963 года – Інстытут цепла- і масаабмену АН БССР; у 1975 годзе Інстытуту прысвоена імя акадэміка Аляксея Васільевіча Лыкава; З 1990 года – Акадэмічны навуковы комплекс «Інстытут цепла- і масаабмену імя А.В. Лыкава»; з 2001 года – дзяржаўная навуковая ўстанова «Інстытут цепла- і масаабмену імя А.В. Лыкава Нацыянальнай акадэміі навук Беларусі».
Сёння Інстытут цепла- і масаабмену імя А. У. Лыкава НАН Беларусі – найбуйнейшая ў Рэспубліцы навуковая ўстанова, якая займаецца вырашэннем фундаментальных і прыкладных праблем цепламасапераносу, гідрагазадынамікі, энергетыкі, цеплатэхнікі, хімічнай фізікі, фізікі гарэння і выбуху, нанатэхналогій, а таксама стварэннем энергаэфектыўных і экалагічна бяспечных тэхналогій і тэхнікі, апаратаў і прыбораў для энергетыкі і машынабудавання, аграпрамысловага комплексу і будіндустрыі, медыцыны, хімічнай, электроннай, радыётэхнічнай, харчовай прамысловасці, касмічнай галіны.
Інстытут акрэдытаваны ў якасці навуковай арганізацыі ў Дзяржаўным камітэце па навуцы і тэхналогіях Рэспублікі Беларусь і Нацыянальнай акадэміі навук Беларусі.
